તમે ઘણા પ્રસંગોએ લોકોને ફટકડીનો ઉપયોગ કરતા જોયા હશે. સલૂનમાં શેવિંગ કર્યા પછી તમારા ચહેરા પર જે સફેદ રંગની ટીકી ઘસવામાં આવે છે તેને ફટકડી કહે છે. શું તમે જાણો છો કે ફટકડી એન્ટી-બેક્ટેરિયલ ગુણોથી ભરપૂર હોય છે, જેના ઉપયોગથી ઘણા ફાયદા થાય છે. સલૂનમાં તેના ઉપયોગ ઉપરાંત આયુર્વેદમાં પણ ફટકડીના ઘણા ફાયદા જણાવવામાં આવ્યા છે.
ઇજા માટે મલમ : જો તમારા શરીર પર કોઈપણ ઈજા પહોંચી છે કે પછી કોઇ ઘા પડ્યો છે અથવા તો ઘામાંથી સતત લોહી નીકળી રહ્યુ છે તો ફટકડી ખૂબ જ ફાયદાકારક સાબિત થઈ શકે છે. આવા ઘાને ફટકડીના પાણીથી ધોઈ લો. તમારું રક્તસ્ત્રાવ બંધ થઈ જશે.
ત્વચા પર કરચલીઓ : વધતી ઉંમર સાથે ચહેરા પર કરચલીઓ પડવી સ્વાભાવિક છે. પરંતુ જો તમે ઇચ્છો તો એક નાની રીત અપનાવીને તમે આ કરચલીઓથી છુટકારો મેળવી શકો છો. હળવા હાથે ફટકડીના પાણીથી ચહેરાની માલિશ કરો. પછી થોડીવાર પછી તમારા ચહેરાને સ્વચ્છ પાણીથી ધોઈ લો. તમને થોડા સમય માટે ત્વચા પરની કરચલીઓથી રાહત મળશે.
દાંતના દુઃખાવા : જો તમે દાંતના દુખાવાની સમસ્યાથી પરેશાન છો તો તેમાં પણ ફટકડી ખૂબ જ કારગર સાબિત થઈ શકે છે. દાંતના દુખાવા અથવા શ્વાસની દુર્ગંધથી છુટકારો મેળવવા માટે ફટકડીના પાણીથી કોગળા કરો. તેનો કુદરતી માઉથ વોશ તરીકે પણ ઉપયોગ કરી શકાય છે.
યૂરિન ઇન્ફેક્શન : યુરિન ઈન્ફેક્શનની સમસ્યામાં પણ ફટકડી ઉત્તમ માનવામાં આવે છે. આ પાણીથી દરરોજ તમારા પ્રાઈવેટ એરિયાને કાળજીપૂર્વક સાફ કરો. આનાથી પેશાબની જગ્યાએ થતા ઈન્ફેક્શનથી રાહત મળશે.
ઉધરસ અથવા અસ્થમા : જો તમે ખાંસી કે અસ્થમાથી પરેશાન છો, તો ફટકડી તમારા માટે કોઈ જડીબુટ્ટીથી ઓછી નથી. નિષ્ણાતો કહે છે કે ફટકડીના પાવડરને મધ સાથે ચાટવાથી ઉધરસ કે અસ્થમાની સમસ્યા ઓછી થાય છે.
