આખરે સાજિદ ખાન વિરુદ્ધ શર્લિન ચોપરાનું નિવેદન નોંધવામાં આવ્યું છે. શર્લિન ચોપરા હાલમાં જ સાજિદ ખાન સાથે જોડાયેલા કેસમાં પોતાનું નિવેદન નોંધવા જુહુ પોલીસ સ્ટેશન પહોંચી હતી. પરંતુ તેને પોલીસ તરફથી કોઈ મદદ મળી ન હતી. શર્લિન ચોપરા આનાથી દુખી થઈ ગઈ અને તેણે પોલીસ સ્ટેશનની બહાર મીડિયાને કહ્યું કે જ્યાં સુધી સલમાન ખાન છે ત્યાં સુધી સાજિદ ખાનને કોઈ નુકસાન નહીં કરી શકે. આ દિવસોમાં સાજિદ ખાન ‘બિગ બોસ 16’માં જોવા મળી રહ્યો છે. સાજિદ ખાન Me Tooનો આરોપી છે અને 2018માં તેના પર ઘણી અભિનેત્રીઓ અને મહિલાઓએ જાતીય શોષણના ગંભીર આરોપો લગાવ્યા હતા. શર્લિન ચોપરાએ પણ સાજિદ ખાન વિશે ઘણા ખુલાસા કર્યા છે અને તે ‘બિગ બોસ’ને તેને હટાવવાની અપીલ કરી રહી છે.
શર્લિન ચોપરાએ 19 ઓક્ટોબરે સાજિદ ખાન વિરુદ્ધ પોલીસ ફરિયાદ પણ નોંધાવી હતી. ફરિયાદમાં શર્લિન ચોપરાએ સાજિદ ખાનના હાથે ‘યૌન અને ભાવનાત્મક ઉત્પીડન’નો આરોપ લગાવીને ફરિયાદ નોંધાવી હતી. આ સંબંધમાં તેણી તાજેતરમાં જુહુ પોલીસ સ્ટેશને પોતાનું નિવેદન નોંધવા પહોંચી હતી. શર્લિન ચોપરાના કહેવા પ્રમાણે, આ કેસમાં પહેલા તેને પોલીસ તરફથી કોઈ મદદ મળી રહી ન હતી. પરંતુ હવે તેનું નિવેદન નોંધવામાં આવ્યું છે. શર્લિન ચોપરાના વકીલે કહ્યું કે ટૂંક સમયમાં સાજિદ ખાનને આ કેસમાં સમન્સ મોકલવામાં આવશે જેથી તે પોતાનું નિવેદન નોંધી શકે.
શર્લિન ચોપરાના વકીલ સુહેલ શ્રોફે ETimes ને કહ્યું, ‘જ્યારે અમે નિવેદન નોંધવા ગયા ત્યારે ત્યાં કોઈ પોલીસ મહિલા અધિકારી ન હતી. શર્લિન ચોપરા ઈચ્છતી હતી કે આ નિવેદન કોઈ મહિલા અધિકારી દ્વારા રેકોર્ડ કરવામાં આવે. બાદમાં જ્યારે શર્લિન ચોપરાએ સોશિયલ મીડિયા પર આ વિશે લખ્યું, ત્યારે અમે અધિકારી સાથે વાત કરી અને તેણે શર્લિન ચોપરાને તેનું નિવેદન નોંધવા માટે પોલીસ સ્ટેશન બોલાવી.
વકીલે વધુમાં ઉમેર્યું હતું કે, નિવેદન નોંધવામાં આવ્યું છે અને ટૂંક સમયમાં સાજીદ ખાનને પણ તેનું નિવેદન નોંધવા માટે બોલાવવામાં આવશે. તે પછી જ પોલીસ નક્કી કરશે કે ડિરેક્ટર વિરુદ્ધ કઈ કલમો હેઠળ એફઆઈઆર નોંધવામાં આવશે. સંભવ છે કે હવે સાજિદ ખાન જલ્દી જ ‘બિગ બોસ 16’માંથી બહાર આવે. પરંતુ જોવાનું એ રહે છે કે શું સાજિદ બિગ બોસના ઘરમાં ફરી એન્ટ્રી કરી શકશે કે પછી MeTooના આરોપોને કારણે તેને શોમાંથી કાઢી નાખવામાં આવશે.
View this post on Instagram
