વાળને બનાવવા માંગો છો સુંદર અને મજબૂત, તો આ જળનો શરૂ કરી દો ઉપયોગ
ચહેરાને સ્વચ્છ અને ચમકદાર બનાવવા માટે ગુલાબજળ લગાવવામાં આવે છે. ગુલાબજળ લગાવવાથી ચહેરો ફૂલની જેમ ખીલે છે. પરંતુ બહુ ઓછા લોકો જાણે છે કે ગુલાબજળ માત્ર ચહેરા માટે જ નહીં પરંતુ વાળ માટે પણ ખૂબ જ ફાયદાકારક છે. જેનાથી વાળ ખૂબ જ સિલ્કી, ચમકદાર અને મજબૂત બને છે. આ સિવાય વાળમાં ગુલાબજળ લગાવવાના બીજા પણ ઘણા ફાયદા છે. પ્રદૂષણને કારણે વાળ સૂખા અને બેજાન બની જાય છે, તેથી તેમની યોગ્ય કાળજી લેવી જરૂરી બની જાય છે.
માર્કેટમાં ઘણા પ્રકારના હેર પ્રોડક્ટ્સ ઉપલબ્ધ છે, પરંતુ તેમાં ઘણા પ્રકારના કેમિકલ હોય છે. જેના કારણે વાળને નુકસાન થઈ શકે છે. ત્યારે તમે ગુલાબ જળનો ઉપયોગ કરી શકો છો. આ ત્વચાની સાથે સાથે વાળ માટે પણ ફાયદાકારક છે. વાળમાંથી ડેન્ડ્રફ દૂર કરવા માટે ગુલાબજળ ઉપયોગી છે. ગુલાબ ડેન્ડ્રફને નિયંત્રિત કરવામાં મહત્વપૂર્ણ ભૂમિકા ભજવી શકે છે. ગુલાબમાં એન્ટિફંગલ ગુણ હોય છે. ઓક્સિડેટીવ સ્ટ્રેસ પણ વાળ ખરવાનું અને વાળ સફેદ થવાનું મુખ્ય કારણ છે.
આવી સ્થિતિમાં ઓક્સિડેટીવ સ્ટ્રેસ ઘટાડવા માટે ગુલાબજળ ફાયદાકારક સાબિત થઈ શકે છે. વાળમાં ગુલાબજળનો ઉપયોગ કરવાથી વાળના વિકાસને પ્રોત્સાહન મળે છે. ગુલાબજળનો ઉપયોગ રક્ત પરિભ્રમણને સુધારી શકે છે અને વાળના વિકાસમાં મદદ કરે છે.હેર મોઇશ્ચરાઇઝર તરીકે ગુલાબજળને વાળમાં લગાવવાના ઘણા ફાયદા છે. વાળમાં ગુલાબજળ લગાવવાથી તે તમારા માથા અને વાળને ઈન્ફેક્શનથી બચાવે છે. જો તમને ડેન્ડ્રફની સમસ્યા હોય તો તમે ગુલાબજળનો ઉપયોગ કરી શકો છો. તે ડેન્ડ્રફને દૂર કરીને વાળને મજબૂત બનાવે છે.
ગુલાબજળમાં સારી માત્રામાં એન્ટીઓક્સીડેન્ટ હોય છે જેના કારણે તે ઓક્સિડેટીવ સ્ટ્રેસથી માથાની ચામડીનું રક્ષણ કરે છે. આ એક એવી પ્રક્રિયા છે જેમાં શરીરના ઓક્સિજન સાથે રાસાયણિક પ્રક્રિયા થાય છે. જો તમારા વાળ સુકાઈ જવાને કારણે ખૂબ ખરતા હોય તો તેના માટે તમે ગુલાબજળનો ઉપયોગ કરી શકો છો. તેનાથી તમારા વાળ ખરતા બંધ થઈ જશે. સ્કેલ્પમાં ગુલાબજળ લગાવવાથી બ્લડ સર્ક્યુલેશન યોગ્ય રીતે થાય છે, જેના કારણે વાળનો ગ્રોથ શક્ય બને છે. જો તમે તમારા વાળને લાંબા કરવા માંગો છો, તો તેના માટે તમે ગુલાબજળનો ઉપયોગ કરી શકો છો.
તમે શેમ્પૂ કરવાના એક કલાક પહેલા ગુલાબજળ લગાવી શકો છો. તમે ગુલાબજળમાં લીંબુનો રસ પણ નાખી શકો છો. આ સિવાય તમે તેને તમારા વાળમાં વિટામિન ઈ ઉમેરીને લગાવી શકો છો. વાળમાં શેમ્પૂ કરતા પહેલા દહીંમાં મિક્સ કરો અને તેને તમારા વાળમાં લગાવો અને એક કલાક માટે છોડી દો. પછી શેમ્પૂ કરવાથી વાળ સિલ્કી અને ચમકદાર બનશે. તમે ગુલાબજળમાં મધ અથવા એલોવેરા મિક્સ કરીને પણ લગાવી શકો છો.
(નોંધ : આ માહિતી ફક્ત કેટલીક જાણકારીઓ અને ઘરેલુ ઉપાય પર આધારિત છે. આ માહિતીની પુષ્ટિ અખંડ આર્યુવેદ કરતુ નથી.)
