પોતાની સુંદરતા અને મિલિયન ડોલર સ્મિાઇલના કારણે અભિનેત્રી મુનમુન દત્તા એક જ નજરમાં બધાને પોતાના દિવાના બનાવી દે છે. શો સિવાય મુનમુનના ગ્લેમરસ ફોટોઝ પણ સોશિયલ મીડિયા પર દરરોજ વાયરલ થાય છે. તમને જણાવી દઈએ કે 28 સપ્ટેમ્બરના રોજ બબીતાજી પોતાનો 35મો જન્મદિવસ ઉજવ્યો હતો. ઘણા ઓછા લોકો જાણતા હશે કે, મુનમુન બાળપણથી જ એક્ટર બનવા માંગતી હતી. અભિનેત્રીને ગાવાનો પણ ઘણો શોખ છે. બાળપણમાં તે બાળ કલાકાર તરીકે આકાશવાણી અને દૂરદર્શન માટે ગીતો ગાતી હતી.
વર્ષ 2004માં તેણે ટીવી સીરિયલ ‘હમ સબ બારાતી’થી પોતાની એક્ટિંગ કરિયરની શરૂઆત કરી હતી. આ પછી, વર્ષ 2006માં, તે કમલ હાસન સાથે ‘મુંબઈ એક્સપ્રેસ’ અને પછી ડીનો મોરિયા અને કાશ્મીરા શાહની ફિલ્મ ‘હોલિડે’માં પણ જોવા મળી હતી. જો કે બંને ફિલ્મો અભિનેત્રીને વધુ ઓળખ અપાવી શકી નહિ. અભિનેત્રીએ #MeToo અભિયાન દરમિયાન તેની કેટલીક જૂની ખરાબ યાદોને શેર કરીને સનસનાટી મચાવી હતી. જ્યારે અભિનેત્રીએ તેના ઇન્સ્ટાગ્રામ પર એક લાંબી પોસ્ટ લખીને પોતાનો અનુભવ શેર કર્યો, ત્યારે દરેકની આત્મા કંપી ઉઠી.
આ પોસ્ટમાં અભિનેત્રીએ તેના શિક્ષકોથી લઈને સંબંધીઓ પર ખૂબ જ ગંભીર આરોપ લગાવ્યા. મુનમુન દત્તાએ જણાવ્યું કે કેવી રીતે તેની ટ્યુશન ટીચરે તેની સાથે ખૂબ જ વાંધાજનક કૃત્ય કર્યું હતુ. સોશિયલ મીડિયા પર એક્ટિવ રહેતી મુનમુને વર્ષ 2017માં તેની સાથે થયેલા યૌન શોષણની ઘટનાઓનો ઉલ્લેખ કર્યો હતો. તેણે 25 ઓક્ટોબરે તેની ઈન્સ્ટાગ્રામ પોસ્ટમાં પીડા વ્યક્ત કરી હતી. મુનમુન દત્તાએ લખ્યું હતુ મને આશ્ચર્ય થાય છે કે કેટલાક ‘સારા’ પુરૂષો એ જોઇને સ્તબ્ધ છે કે #metoo માટે ઘણી મહિલાઓ સામે આવી રહી છે. આ તમારા પોતાના ઘરમાં,
તમારી પોતાની બહેન, પુત્રી, માતા, પત્ની અથવા તમારી નોકરાણી સાથે થઈ રહ્યું છે. તેમનો વિશ્વાસ મેળવો અને તેમને પૂછો. તમે તેમના જવાબોથી આશ્ચર્યચકિત થઈ જશો. પોસ્ટ શેર કરતી વખતે તેણે આગળ લખ્યું કે આ રીતે લખીને મારે તે યાદોને દૂર કરવા માટે આંસુ વહાવવા પડશે. જ્યારે હું પડોશના અંકલ અને તેમની તીક્ષ્ણ આંખોથી ડરતી હતી, જેઓ મને કોઈપણ તક પર પકડી સેશે અને મને આ વિશે કોઈની સાથે વાત ન કરવાની ધમકી આપશે.
અથવા મારો ખૂબ મોટો પિતરાઈ ભાઈ જે મને તેની દીકરીઓ કરતાં અલગ રીતે જોશે. અથવા જે વ્યક્તિએ મને હોસ્પિટલમાં જોઇ હતી જ્યારે હું જન્મી હતી અને 13 વર્ષ પછી તેણે મારા શરીરને સ્પર્શ કરવાનું યોગ્ય માન્યું હતું, કારણ કે હું કિશોરાવસ્થામાં મોટી થઈ રહી હતી. મારું શરીર બદલાઈ ગયું હતું. મને ટ્યુશન શીખવનાર શિક્ષક જેનો હાથ મારા પેન્ટની અંદર હતો. જેમને મેં રાખડી બાંધી હતી, તે વર્ગની વિદ્યાર્થીનીઓની બ્રાની સ્ટ્રીપ ખેંચી સ્તન પર થપ્પડ મારતો. ‘બબીતા’એ આગળ લખ્યું. ખબર નથી કે તમે તમારા માતાપિતાને તે કેવી રીતે કહી શકશો.
તેથી જ તમે કોઈની સાથે એક પણ શબ્દ બોલવામાં શરમાતા હોવ છો. તેથી જ તમને પુરુષો પર ગુસ્સો આવવા લાગે છે, કારણ કે તમારી નજરમાં તેઓ ગુનેગારો છે જેમણે તમને આવો અહેસાસ કરાવ્યો છે. ઉલ્લેખનીય છે કે, કેટલાક સમય પહેલા તારક મહેતા શોમાં ટપ્પુનું પાત્ર ભજવતા રાજ અનડકટ સાથે તેના અફેરના સમાચારોએ ઘણી હેડલાઇન્સ બનાવી હતી. બંને વચ્ચેની ઉંમરના અંતરને કારણે તે બંનેને ઘણા ટ્રોલ પણ કરવામાં આવ્યા હતા.
