ઇન્ટરનેટ પર રોજ અલગ અલગ વિષયને લઈને ઘણા બધા વીડિયો વાયરલ થતા હોય છે. ઘણીવાર ઇન્ટરનેટ પર કેટલીક રૂંવાડા ઉભા કરી દેનારી ઘટનાઓના વીડિયો પણ સામે આવતા હોય છે જેને જોઈને કોઈના પણ કાળજા કાપી ઉઠતા હોય છે. થોડા સમય પહેલા પણ એક એવી જ એક ઘટનાનો વીડિયો સામે આવ્યો હતો. જેમાં એક વ્યક્તિ એક હાથે એક સગીર વયની છોકરીના વાળ પકડી અને બીજા હાથમાં ધારદાર હથિયાર સાથે ચાલી રહ્યો હતો.
આ વીડિયો રાયપુરના ગુડયારી વિસ્તારનો છે. જ્યાં રાત્રીના સમયે એક યુવક સગીર યુવતીના વાળ ખેંચીને રોડ પરથી પસાર થઈ રહ્યો હતો. યુવતીના કપડા પર લોહીના ડાઘ દેખાતા હતા અને સનકીના હાથમાં ધારદાર હથિયાર હતું. શહેરીજનો આ નજારો જોઈ રહ્યા હતા. પરંતુ કોઈ તેને રોકવાની હિંમત દાખવી શક્યું ન હતું. તમને જણાવી દઈએ કે આ સનકી યુવકે પહેલા પણ સગીર પર હુમલો કર્યો હતો.
જેના કારણે સગીર ઘાયલ થઈ હતી, તેમ છતાં એ સનકી તેના વાળ ખેંચીને શહેરમાં તેને ખેંચી રહ્યો હતો. જ્યારે પોલીસને આ ઘટનાની માહિતી મળી તો તેઓ આરોપીના ઘરે પહોંચી.જેના બાદ આ સનકી ઓમકાર તિવારીએ ઘરમાં પણ હંગામો મચાવ્યો હતો. પોલીસથી બચવા તેણે પોલીસને આત્મહત્યા કરવાની ધમકી આપી હતી, પરંતુ ઘણી મહેનત બાદ પોલીસે આરોપીની ધરપકડ કરી હતી.
આ બાબતને લઈને પીડિત યુવતીના પરિવારે શનિવારે રાત્રે જ પોલીસ સ્ટેશનમાં ઓમકાર તિવારી વિરુદ્ધ ફરિયાદ નોંધાવી હતી અને ઈજાગ્રસ્ત દીકરીને હોસ્પિટલમાં દાખલ કરાવી હતી. પરિવારની ફરિયાદ બાદ પોલીસે તાત્કાલિક કાર્યવાહી કરી હતી અને ઓમકાર તિવારી સામે હત્યાના પ્રયાસ માટે એફઆઈઆર નોંધવામાં આવી હતી. ગુડયારી પોલીસે જણાવ્યું કે કલમ 307 હેઠળ એફઆઈઆર નોંધવામાં આવી છે.
सनकी के एक हाथ में हथियार पकड़े दूसरे हाथ में लड़की के बाल खींचते हुए खुलेआम सड़क में घसीट रहा है ।
ऐसा करने के लिए कितना हौसला चाहिए ? इसके लिए कौन जिम्मेदार है ?@gyanendrat1
@RaipurPoliceCG pic.twitter.com/94NGouseEs— Ravi Miri ABP News (@Ravimiri1) February 19, 2023
આ ઘટના રાયપુરના માતરાની ચોક ખાતે કિશનલાલના ઘરની સામેના રસ્તામાં બની હતી. આ મામલે લોચન ચૌહાણાએ પોલીસમાં ફરિયાદ કરી છે. જોકે આ ઘટના પાછળનું કારણ બહાર આવ્યું નથી. પોલીસ ટૂંક સમયમાં આ મામલે ખુલાસો કરી શકે છે. હુમલામાં ઘાયલ યુવતીને આંબેડકર હોસ્પિટલમાં દાખલ કરવામાં આવી છે. તેમની હાલત ગંભીર હોવાનું કહેવાય છે.
