બ્લેક વોટર સેલિબ્રિટીઓ વચ્ચે કેમ છે પોપ્યુલર ? જાણો આ પાણીના ફાયદા

અરબોપતિ વિરાટ કોહલી, અનુષ્કા શર્માથી લઇને મલાઇકા અરોરા સુધી આ અદાકારાઓ પીવે છે બ્લેક વોટર

હાલમાં બ્લેક વોટરનું ચલણ ઘણું વધી ગયું છે. સ્પોર્ટ્સ સિવાય બોલિવૂડની ઘણી એવી અભિનેત્રીઓ છે જે ફિટ રહેવા માટે અલ્કલાઇન બ્લેક વોટર પીવે છે. ફિટ રહેવા માટે, ઘણી હસ્તીઓ વિવિધ પ્રકારની કસરતો અને આહારનું પાલન કરે છે. હાલમાં લોકો ફિટ રહેવા માટે અલ્કલાઇન બ્લેક વોટરનો ઉપયોગ કરી રહ્યા છે. આવી સ્થિતિમાં બી ટાઉનની અભિનેત્રી આ મામલે કેવી રીતે પાછળ રહી શકે. સેલેબ્સમાં બ્લેક વોટરનો ક્રેઝ અચાનક જોવા મળી રહ્યો છે.

નીતા અંબાણીથી લઈને મલાઈકા અરોરા સુધી, ઘણા સેલેબ્સના હાથમાં ચોક્કસપણે આ જોવા મળે છે. વાસ્તવમાં તે માત્ર પાણી જ છે પરંતુ તેમાં એવા ઘણા ગુણો છે જે સ્વાસ્થ્ય માટે ફાયદાકારક માનવામાં આવે છે. બ્લેક વોટરને આલ્કલાઇન વોટર પણ કહેવાય છે. અલ્કલાઇન વોટરમાં સામાન્ય પાણી કરતાં વધુ મિનરલ્સ હોય છે. આ પાણીનું પીએચ લેવલ સ્વાસ્થ્ય માટે ફાયદાકારક છે.

કોઈપણ ખોરાક અથવા પીણાનું pH સ્તર તે કેટલું આલ્કલાઇન અથવા એસિડિક છે તેના પર આધાર રાખે છે. બ્લેક વોટરની વાત કરીએ તો તેનું pH લેવલ હંમેશા 8થી ઉપર હોય છે જ્યારે સામાન્ય પાણીનું pH લેવલ 6થી 7ની વચ્ચે હોય છે. સામાન્ય પાણી કરતાં આલ્કલાઇન પાણીમાં વધુ ખનિજો જોવા મળે છે, તેમાં 70થી વધુ કુદરતી ખનિજો હોય છે. તેનો સ્વાદ પાણી જેવો જ હોય ​​છે, માત્ર તેનો રંગ કાળો હોય છે. આલ્કલાઇન હોવાને કારણે તેનો રંગ માત્ર કાળો છે. તેમાં રહેલા પોષક તત્વો ડાયાબિટીસ,

હાઈ બીપી જેવી બીમારીઓ સામે લડવામાં પણ ફાયદાકારક છે. જો કે, ઘણા લોકોનું માનવું છે કે તેમાં મિનરલ્સનું પ્રમાણ વધુ હોય છે, જેના કારણે તે શરીરને ઘણી રીતે નુકસાન પહોંચાડે છે. જો તમે ક્ષારયુક્ત પાણી વધુ પ્રમાણમાં પીવાનું શરૂ કરો છો, તો તમને તમારા હાથ અથવા પગમાં કળતરની ફરિયાદ થઈ શકે છે. કેટલાક લોકોને ઉલ્ટી પણ થઈ શકે છે, જ્યારે કેટલાકને ત્વચામાં બળતરા અથવા પેટ સંબંધિત ફરિયાદો થઈ શકે છે. જણાવી દઈએ કે આ પાણીની કિંમત 500 રૂપિયા પ્રતિ લીટરથી વધુ છે.

જ્યારે પણ બોલિવૂડની સૌથી ફિટ એક્ટ્રેસના મામલામાં ચર્ચા થાય ત્યારે તેમાં મલાઈકા અરોરાનું નામ ચોક્કસથી સામેલ હોય છે. યોગ અને કસરતની સાથે મલાઈકા ફિટ રહેવા માટે અલ્કલાઇન બ્લેક વોટર પીવે છે.અભિનેત્રી અને ક્રિકેટર વિરાટ કોહલીની પત્ની અનુષ્કા શર્મા પણ બ્લેક વોટરનો ઉપયોગ કરે છે. એ વાત જાણીતી છે કે વિરાટ એકમાત્ર એવો વ્યક્તિ છે જેણે ભારતમાં બ્લેક વોટર ટ્રેન્ડને વધુ પ્રમોટ કર્યો છે. હવે આવી સ્થિતિમાં અનુષ્કા કેવી રીતે બ્લેક વોટરનો ઉપયોગ કરવાથી પાછળ રહી શકે.

બી ટાઉનની સૌથી સુંદર અભિનેત્રીઓમાંની એક ઉર્વશી રૌતેલા તેની ફિટનેસ માટે જાણીતી છે. ઉર્વશી પોતાને ફિટ રાખવા માટે બ્લેક વોટર પીવે છે.સાઉથ સિનેમાની જાણીતી અભિનેત્રી શ્રુતિ હાસન પણ તે અભિનેત્રીઓમાંની એક છે જે બ્લેક વોટરનો ઉપયોગ કરે છે.સાઉથ ઈન્ડસ્ટ્રીની જાણીતી અભિનેત્રી કાજલ અગ્રવાલનું નામ પણ આ લિસ્ટમાં સામેલ છે. બોલિવૂડ સુપરસ્ટાર શાહરૂખ ખાનની પત્ની ગૌરી ખાન પણ એવી વ્યક્તિ છે જે બ્લેક વોટર પીવે છે.

ayurved

Not allowed