ગુજરાતી ઈન્ડસ્ટ્રીમાંથી પણ હાલ એક દુઃખદ ખબર સામે આવી છે, જેને જાણીને ચાહકોને પણ આઘાત લાગ્યો છે. મૂળ બનાસકાંઠા જિલ્લાના નાનકડા ગામ મડાણાનો વતની અને 8 વર્ષની ઉંમરે પોતાની ગાયિકી શરૂ કરનારા જીગર ઠાકોરના પિતાનું અકાળે અવસાન થતા જ પરિવારમાં શોકનો માહોલ છવાઈ ગયો છે.
જીગરના પિતાનું 5 ડીસેમબરના રોજ અવસાન થઈ હતું. જીગરના પિતાનું નામ સોરાબજી ઠાકોર છે. સોરાબજીને પણ ગાયક બનવું હતું, પરંતુ પારિવારિક સમસ્યાઓના કારણે તે ગાયક બની ના શક્યા, પરંતુ તેમની આ સપનું તેમને દીકરા દ્વારા પૂર્ણ કર્યું. જીગર પણ તેના પિતાની ખુબ જ નજીક હતો અને પિતાના નિધનના કારણે તેની માથે પણ દુઃખોનો પહાડ તૂટી ગયો છે.
જીગર ઠાકોર ખુબ જ નાની ઉંમરમાં ખુબ જ મોટું નામ બનાવી લીધું હતું. ગાયક દેવ પગલી સાથે ગયેલા તેના બે ગીતો તો ખુબ જ લોકપ્રિય બની ગયા છે જેમાં “માટલા પર માટલું” આખા ગુજરાતમાં લોકપ્રિય બન્યું અને તેના બાદ “ચાંદ જેસા મુખડા” ગીતે તો દેશભરમાં એક રેકોર્ડ બનાવી દીધો હતો અને આ ગીતો દ્વારા જીગર ઠાકોરને એક નવી ઓળખ પણ મળી હતી.
જીગર ઠાકોરના પરિવારમાં એક ભાઈ અને બહેન છે. જિગરે થોડા સમય પહેલા જ નાની ઉંમરમાં પોતાની મહેનતથી એક શાનદાર કાર પણ ખરીદી હતી. માટલા પર માટલું અને ચાંદ જેસા મુખડા ગીતે જીગરને ખુબ જ મોટી લોકપ્રિયતા અપાવી હતી. જિગરની આ સફળતાથી તેના પિતા પણ ખુબ જ ખુશ હતા, પરંતુ જીગરની આગળની સફર જોવા માટે આજે તે હયાત નથી.
